Bragi

Jolin min..

2006-11-14T21:01:00.000Z

Árni f**ing Johnsen

2006-11-13T21:26:00.000Z

Íslendingar (og þá meina ég Sjálstæðismenn) hafa sannað sig einu sinni enn. Maður sem ég myndi ekki treysta til að vinna í bakaríi án þess að fara í kassann er nú aftur á leiðinni á þing. En til þess fékk hann uppreisn æru. Mér þætti gaman að sjá þetta gerast þegar fyrrverandi vandræðabarn fær ekki vinnu vegna sakavottorðs síns. Ef „fangelsið" sem Árni kúkur var á væri ekki fimm stjörnu hótel væri hann best geymdur þar í nokkur ár í viðbót. Ekki í stöðunni sem við veitum honum til að misnota vald sitt... AFTUR!

Útvarp - aftur

2006-10-12T19:02:00.000Z

Þar sem ég hef mikinn áhuga á málefnum ísfirðinga hef ég tekið eftir að miklar framfarir hafa orðið í útvarpsmálum þar vestra. Þangað til í dag. Að útvarpsstöð eins og Flass FM skuli fá að dreifa sér er í minna falli sorglegt. Bara svo þið vitið það, þá eruð þið með svona stöð. Hún heitir FM957. Þessari stöð tekst þó það ómögulega að vera leiðinlegri en hún. En þetta er að sjálfsögðu bara mín skoðun. Nú er enn ein þvælan að hefjast á Stöð 2. X- factor heitir það og fyrst Einar Bárða snertir á þessu er vitað mál að stikkorðin séu: 14 ára píkur, gróði og ógeð.
Bílamál: Mér tókst að hressa aðeins upp á útlitið á bimmanum með því að slengja honum utan í vegrið. En tilbætur eru hafnar svo maður keyrir ekki lengi með stuðarann hangandi á eftir sér.

Til hamingju

2006-10-05T01:47:00.000Z

Vildi bara óska ísfirðingum til hamingju með að geta loksins hlustað á almennilegt útvarp.

Haha

2006-09-23T12:48:00.000Z

Ég var að keyra fullur í hálku á sumardekkjum og drap fimm bamba...

Í ökuherminum hjá Sjóvá.

Jææjja

2006-09-19T15:09:00.000Z

Nú var sko verið að versla. Splæsti í eitt stykki Playstation, eitthvað sem mig er búið að dreyma um í þónokkurn tíma. Og fyrst maður var byrjaður keypti maður nokkra leiki, Singstar og EyeToy. Ótrúlegt hvað það getur verið skemmtilegt að djöflast í þessu. Annars er stórafmæli framundan. Þeir sem þekkja mig vita að ég fylgist náið með kílómetramælinum á bílum mínum, svo í fyrradag sló bíllinn í 199.000 kílómetra (kominn í 199.260 núna). Þetta þýðir bara að 200.000 kílómetra markið nálgast og það er náttúrulega efni í veislu. Spörning um að splæsa í eina köku eða svo.

Tvístígandi

2006-08-24T23:20:00.000Z

Ég var farinn að sjá fyrir mér frekar rólega helgi framundan en fékk svo boð í afmælisteiti. Hljómar pínulítið eins og lína úr lagi með Sálinni. Þetta er náttúrulega aldrei svona auðvelt því afmælisveislan er hinum meginn á landinu. Þ.e.a.s á Ísafirði. Spurningin er þá bara hvort maður eigi að láta bambann (bimman) hafa það óþvegið og keyra hann Djúpið?

Ein í bónus:

Gobble gobble

2006-08-14T22:19:00.000Z

Var að leika mér með tvo nýju leikföngin mín. Notaði annað til að taka mynd af hinu:

Og já: fáviti

Aaaakureyri (skal sungið)

2006-08-08T20:51:00.000Z

Jæja þá er kominn þriðjudagur og búið að skella manni aftur á jörðina. Um síðustu helgi var stefnan tekin norður á firði til að halda upp á frídag verslunarmanna. Ég gat náttúrulega ekki farið af stað fyrr en Hafnfirðingar höfðu fengið sitt áfengi svo lagt var í hann um hálfátta. Sandra kom með mér og on location ætlaði ég að hitta Haffa og Svenna. Svenni gerði svo það sem hann gerir best (tíu stig fyrir þann sem veit hvað það er). En við vorum allavega ekki að koma inn í Akureyri fyrr en um tólf leytið. Beint niður í bæ og dottið í það. Í öllum hamaganginum gleymdist náttúrulega að finna sér tjaldstæði svo aðfaranótt laugardags var tekin í kagganum niður í bæ. Laugardagurinn var svo tekinn snemma, ósveittasti burger sem ég hef smakkað og svo að finna sér tjald (því það gleymdist að sjálfsögðu heima) til að henda eitthversstaðar niður. Við fundum stað rétt hjá Þórsheimilinu bakvið eitthver tré svo löggan sá okkur ekki. Restin af helginni fór svo í svo mikið sukk og svínarí að það var tekinn mega-svefn þegar heim var komið, næstum sólahringur. Kagginn eyddi alveg merkilega litlu, á tankunum.. fram OG til baka! Beat that! Allavega: hörkuhelgi sem kostaði drjúgan skildinginn.

Blogged with Flock

Sirkus enn að meika það

2006-07-16T19:19:00.000Z

Ég held að það sé kominn tími á að eitthver segi fólkinu á Sirkus að hætta þessu bara. Íslensk dagskrárgerð er bara ekki ykkar svið kallarnir mínir. Haldið bara áfram að finna low budget ameríska þætti og endursýna gamalt og gott efni. Já btw. þið megið alveg endursýna Seinfeld aftur, sakna þess pínulítið. En já, umræðuefnið er sumsé nýji íslenski þátturinn Pípóla. Hver er tilgangurinn? Sýna íslendinga þegar þeir halda að þeir séu að tala við útlendinga? Allavega, enn einn þátturinn sem mun flönka og enginn horfir á eftir fyrsta þátt.

Blogged with Flock

Happy times

2006-06-30T21:32:00.000Z

Góðir tímar þessa dagana. Mánaðamót eftir smá stund sem þýðir að maður á eftir að eiga smá pjéning. Já ÁTVR borgar btw á mínútunni mánaðamót. Þannig að maður gæti farið niður í bæ og verið öruggur að eiga fyrir taxanum heim. Annars er ekkert svoleiðis í kvöld, bara vinna á morgun og svo staffapartý annað kvöld. Hvern dreymir ekki um að fá að sjá vinnufélaga sína drukkna?! Get ekki beðið. Grillað með gott rauðvín á kantinum og svo sullað á eftir. Jafnast ekkert á við það.

Blogged with Flock

Bloggen sí

2006-06-28T01:02:00.000Z

Ég er að prufa nýja græju sem gerir mér kleift að blogga án þess að þurfa að fara á netið. Does it vörk?

Blogged with Flock

Not to my country you don't!

2006-06-26T22:59:00.000Z

George eldri Bush er á leið til landsins. Ekki velkominn að mínu leiti. Maðurinn sem ól upp þennan fávita sem heldur um stjórnartaumana er best geymdur bara í fóðruðu herbergi. Það er allt gott að frétta úr Firðinum, nóg að gera í áfenginu svona á meðan HM er. Það má víst ekki horfa á fótbolta án þess að drekka bjór með. Er hann kannski svona leiðinlegur? Annars hefur maður tekið eftir því hvernig 10-11 virðist vera sjálfstætt ríki á Íslandi með sína eigin verðlagningu. Bara eitt um það: ef nammið er ódýrara í BÍÓ en hjá ykkur ættuð þið kannski að íhuga verðbreytingar. For the love of god, þið eruð að nálgast Hamraborg á Ísafirði í álagningu. Svona lagað get ég aldrei skilið. Af hverju eru sumar búðir svona margfald dýrari en aðrar? Eru þið að borga starfsfólkinu svona miklu betur eða kostar meira að setja hlutina í hilluna hjá ykkur? Og núna ætla ég að svara nokkrum spurningum sem ég er of oft spurður að í vinnunni: NEI, það er ekki afsláttur fyrir gamalt fólk og öryrkja. NEI, það er enginn bjór á sérstökum „HM afslætti". NEI, það er mér ekki vitandi ættgeng geðveiki í ættinni. JÁ, ég er orðinn tvítugur ( fíflið þitt ). Og að lokum ein rómuð setning: „Strákar, vera úti!"

Hávdí

2006-06-22T18:42:00.000Z

Var að lesa þessa frétt hér og þá kom upp í hugan smá pæling sem hefur velkst í mér. Reginmunurinn á Ísafirði og Hafnarfirði. Endalaust á fólk fyrir vestan að fá að bíða eftir hlutunum. Göturnar eru ALDREI mokaðar á veturna og ef það er gert er ekki saltað svo djúp og stórhættuleg för myndast. Þegar ísfirðingar eru búnir að keyra á handónýtum götum í mörg ár og skítugt vatn kemur út úr krönunum er loksins ráðist í framkvæmdir. Að moka upp eina litla brekku og ganga frá henni aftur tekur frá byrjun maí til enda ágúst! Það er búið að ganga frá öllu en það má ekki klára fyrr en í ágúst. Ég get sagt ykkur það strax að þetta myndi aldrei líðast í alvöru bæjarfélagi. Tökum sem dæmi: Það þurfti að endurgera allt planið fyrir framan blokkirnar hérna hinu meginn við götuna. Rífa allt upp; götuna gangstéttina og grasflöt. Malbika planið, leggja nýja gangstétt og leggja grasþökur, og þetta er sko ekki lítið plan. Tók tvo daga. Ekkert „áætluð verklok í ágúst".

Stutt pæling:

2006-06-11T18:31:00.000Z

Af hverju var það nauðsynlegt að taka alla sketsana í Sketch show upp aftur og skipta öllum leikurum nema einum? Skilaboð til Skjás eins: við erum öll búin að sjá þetta áður!

Laugardagur

2006-06-10T22:30:00.001Z

Vill byrja á að votta Árna bróðir samúð mína með að hafa misst smurstöðina sína í gærkvöldi. Frekar leiðinlegt að lenda í þessu viku fyrir brúðkaupið sitt. Annars eru viss þáttaskil í lífi mínu sem borgarbarn: ég er hættur að finna hveralyktina af heita vatninu (og allir bresta í fögnuð). Annars er ég ekki alveg að fatta hvert DV er að stefna með þessum nýju auglýsingum sínum. Þessi áminning á það að kaupa blaðið hafi kostað tré lífið er ekki að virka á mig. Hún segir mér frekar „leggjum blaðið af til að minnka óþarfa pappírnoktun".

Klöppum fyrir fávitunum

2006-06-06T20:54:00.000Z

Jæja nú trompaði ríkisstjórnin hálfvitaskapinn endanlega. Núna á að skipta um í brúnni en þessir bjánar hafa að sjálfsögðu ekki vit á að bíða með að tilkynna það þangað til að EITTHVAÐ væri ákveðið. Nú fær þjóðin bara að fylgjast með ríkisstjórninni í hnotskurn að rekast á sjálfa sig á meðan það á að reyna að stokka einu sinni enn upp. Núna finnst mér: að það eigi að kjósa aftur því þetta er ekki ríkisstjórn sem neinn kaus. Áður en það gerist skulum við samt fyrst leggja Framsóknarflokkinn niður til að hafa úrslitin sanngjörn.

Góðan daginn..

2006-06-01T01:00:00.000Z

einn ostborgara með frönskum og sósu sagði góður maður eitt sinn. Ég er ekki frá því að það hafi verið ég í hádeginu í gær. Hvern hefði grunað, Sjálfstæðisflokkur og Framsóknarflokkur mynduðu meirihluta í skítabælinu sem ég eitt sinn kallaði heimabæ minn. Ísfirðingar virðast ekki vera farnir að kunna á þetta ennþá: Maður semsagt kýs um málefni, ekki hvort félagi manns þekkir ólétta stelpuskjátu í einum flokknum. Svo fór Guðni (kúkur) exbé leiðina á þetta og át allt ofan í sig sem hann hafði sagt þegar hann hélt að Í-listinn myndi sigra kosningarnar. Er ég einn um að finnast Framsóknarflokkurinn tilgangslaust apparat djöfulsins? Ég var á sérstöku námskeiði hjá ÁTVR í dag og lærði margt nytsamlegt. Ég get til dæmis sagt ykkur það að færa vín í matvörubúðir myndi ekki gera neitt nema HÆKKA verðið á áfengi, að því gefnu að skattarnir haldist óbreyttir. Þannig að það hlýtur að vera jákvætt að hafa Vínbúðirnar eins og þær eru. (Einn ekki að vilja missa vinnuna á næstunni). Annars er ég búinn að fá frí í vinnunni mánudaginn 19. júní. Þannig að sú helgi verður löng og góð. Er heldur ekki beint að nenna að keyra heim í ofboði á sunnudegi og mæta skelþunnur í vinnu á mánudagsmorgun. En olrætí þenn, er ekki málið að njóta þess að það er fyrsti mánaðarins?!

Edit: bíllinn minn er viðbjóður eftir síðustu nótt en þá var fyrst rigning til að bleyta og svo rok til að þeyta drullu yfir hann ALLAN!

Til hamingju exdé

2006-05-24T16:57:00.000Z

Ég vill fá að óska Sjálfstæðisflokknum í Reykjavík til hamingju: Ykkur tókst í alvörunni að búa til hallærislegari auglýsingar en fávitarnir í „exbé". Hvað er annars málið með það? Eru Framsóknarmenn að reyna að brjóta sig frá eigin flokki í von um að ná einum manni inn? Takið eftir að allsstaðar á landinu er þetta lið að reyna að koma EINUM manni inn í sveitastjórnir.. en forsætisráðherrann okkar kemur úr flokknum, Ísland í hnotskurn.

Hvað..

2006-05-22T23:08:00.000Z

Er það versta sem hægt er að gera mér? Svona smá spurning til að sjá hvort eitthver þekkji mig þarna úti. Í ljósi nokkurra atburða síðustu daga spyr ég því hvað fer mest í taugarnar á mér, hvað er það versta sem þú gætir gert mér? Athugasemdir vel þegnar.

Jæja jæja jæja

2006-05-18T21:17:00.000Z

Lítið borið á bloggi síðustu daga, mikið að gera í vinnu og sumarbústaðadjammi. Talandi um það þá var það bara heví gaman. Erum ekkert að fara neitt nánar út í það svosem. Eurovision var að klárast og það sem ég hef sagt frá upphafi var að sannast. Núna vill ég fá að vita: hvað kostaði þetta rugl? Er þetta ekki að verða komið gott? Hversu oft á að eyða milljónum í að horfa á félagana í austri senda hvorn annan áfram? Er peningunum þá ekki betur varið í eitthvað annað? Það þarf ekki endilega að vera fýla, þónokkrar þjóðir hafa gert einmitt þetta, hætt þessu rugli því það er einfaldlega tilgangslaust.. sjáum bara Ítali til dæmis. En feginn er ég að Ágústa Eva komst ekki áfram, það þýðir bara að laugardagurinn verður rólegur í vinnunni, því ekkert virðast íslendingar mega gera án þess að detta í það on the side. Í rauninni er flest allt orðið afsökun fyrir fylleríi. Þegar maður finnur meiri álagi í vínbúð vegna þess að eitthver fótboltaleikur er um kvöldið veit maður að þetta er komið í ruglið. Og þið hefðuð átt að sjá traffíkina í dag út af þessu júróvisjón-rugli...

Haha, hann er alltaf að grínast

2006-05-11T01:33:00.000Z

Þessi dulúð sem liggur yfir Öskjuhlíðinni er af rökum reist. Fórum þarna um daginn og það er bara líf og fjör. Nú er hommaveiðitímabilið hafið svo mikið fyrir þá að hafa í skóginum. Samt finnst manni eins og langflestir sem fara þarna um séu skakkir eða rammskakkir. Við fórum í bíó í kvöld, aftur! Í þetta skiptið varð fjórða og síðasta myndin í þríleiknum Scary Movie fyrir valinu. Hún er bara ágæt, svolítið mikið gert út á ,,á, ég fékk bolta í hausinn" húmorinn eins og venjulega. Maður fylltist vissu stolti þegar íslenski fáninn var notaður til að verja okkur áhorfendur frá því að horfa langt upp í óæðri endann á Leslie Nielsen, so proud! Ég og Haffi vorum að keyra Reykjanesbrautina í kvöld þegar við mætum dekki. Já, eitt dekk bara á flandri niður brekkuna hjá Essó. Þá hafði par á NÝJUM Subaru WRX verið með kerru aftan í sér með grilli og eitthverju á. Kerran losnaði eitthvernveginn, tók rassgatið á Urabus í GEGN og fleygði grillinu á götuna. Þökk sé my cat reflexes tókst mér að bjarga okkur frá því að taka grillið enn frekar í gegn með Mitsaranum hans Eiríks.

Kominn tími á þetta hellíti

2006-05-10T01:58:00.000Z

Löngu kominn tími á að skrifa eitthvað hérna. Það sem mér dettur fyrst í hug er að benda fólki á að skoða þessa kagga. Og talandi um bíla: Hvað er að fólkinu hjá DAS? Halda þeir að eitthver vilji í alvörunni vinna Hummer (bömmer)? Þetta er ekki vinningur, þetta er byrði! Og eini möguleikinn til að geta rekið þetta er að eiga tvöfaldan miða en þá fær maður fimm milljónir í bensínpening sem dugir í viku. Við fórum í bíó um daginn á eina hrikalega leiðinlega, Rauðhetta. Núna er ég ekki sá þroskaðasti og get alltaf hlegið að teiknimyndum, nema núna. Hún var bara nákvæmlega EKKERT fyndin (fyrir utan geitina kannski (og maður fattaði það ekki einu sinni))! Öll myndin hefði verið eins og einn af þessum sýrudraumum sem maður fattar ekkert í þegar maður vaknar ef maður hefði ekki þurft að einbeita sér svona mikið að því hvað hún var illa gerð. Ég veit ekki alveg hvað er að gerast með borg óttans en það er ekki þverfóta fyrir ísfirðingum! Það er ekki einu sinni hægt að kíkja á einfalt djamm án þess að hitta eitt kvekendi.

Próf og rigning

2006-05-03T18:16:00.000Z

Það má koma á óvart en það er rigning í borginni. En í fyrsta skipti kvarta ég ekki. Fólkið í kringum mig er farið að kalla rigningu ,,leikveður". Þeir sem hafa eitthverja hugmynd um hvernig afturhjóladrifnir bílar hegða sér vita allt um málið. Annars eru próf núna eins og allir vita. Það er bara eitthvað við ykkar einlægan þegar kemur að prófum. Ég bara fæ mig ekki til að læra. Ef ég stari í bókina annað hvort sofna ég eða hrekk upp eftir hálftíma og hef ekki hugmynd um hvað ég var að lesa! En nú ætla menn að vera dúglegúr! Keypti Appelsín og súkkulaðirúsinur! Dökkar rúsinúr því þær eru hollari, já og ódýrari (tvöfaldur sigur!). Ef það er eitthver ástæða til að vera hræddur þá er það núna síðustu daga: Það er búinn að vera mikil umræða um hraðaakstur í borginni. Allt í lagi með það, við förum ekkert nánar út í hverjir eru sekir og saklausir þar. Hinsvegar er einn M. Benz á ferðinni þessa dagana á ÓNÝTUM dekkjum að þeytast langt kominn á annað hundraðið. Þegar bíllinn fer að hristast og skekjast fær maður eilitla ónotatilfinningu og tékkar á beltinu.

Jæja já

2006-04-30T06:28:00.000Z

Nú er maður að djamma, alltaf gaman að því.

Benzon og Bimmson

2006-04-25T00:15:00.000Z

Jæja félagar. Kvöldið í kvöld er búið að snúast mikið um bíla og leikfimi. Það byrjaði að sjálfsögðu þegar lögreglan í Hafnarfirði stöðvaði för mína fyrir að hafa farið yfir á rauðu ljósi (kjaftæði! það var gult!!). Betra var að þeir náðu ekki að radarmæla mig, þið viljið ekki vita hraðann. Ég lét það ekki hindra för mína og fór óhikað til Sveins og notuðum við slyddu og bleytu til að stunda smá æfingar. Nú er maður loksins kominn með þetta á hreinu. Ýta á „go play" takkann (spólvörnina af) svo að „whattafuck" ljósið logi (viðvörunarþríhyrningur með svona snúningsör inn í) og svo stíga drusluna. Við tókum ófá hringtorg og önnur hver beygja var tekinn á hlið. Nú fyrst fer að verða gaman á rúntinum.

Can you spell B-M-W

2006-04-18T17:32:00.000Z

Hey man, cool be emm we var víst sagt í leik sem flestir kannast við (Mujafa spilet). Jæja, ladies and gentlemen, eftir mikið puð er ég kominn með eitt stykki í hendurnar. It's beautiful! Loksins er maður kominn í sömu deild og Sveinn hvarvarann í klassí cars.de. (Þýskaland you see). Mamma og Eiríkur koma á morgun frá Kúbu og ég hef staðfestar heimildir að ég fái nokkra kúbverska til að taka Danny Crane eftir góðan dag. Jæja, henda í eina vél og taka til áður en þau koma...

Holy hell!

2006-04-05T14:34:00.000Z

Nú er mér allar dauðar lýs endanlegar úr höfði dottnar. Við erum að tala um að með öllum nýjum mökkum fylgir brátt einfalt forrit sem gerir þér kleift að keyra Windows á vélinni! Nú hafa bölsýnismennirnir enga afsökun því mac takes crap to! Nánar hér. Annars er páskafríið að detta í hús. Síðasti þýskutíminn var í morgun og aðrir tímar að klárast. Mér skilst að söngkeppnin sé á laugardag með eitthverju fáránlegu sniði en ef ísfirðingar ætla að gera sér ferð í bæinn og jafnvel hafa einn kaldann við hönd er þeim ráðlagt að gera sér ferð í Hafnarfjörðinn að versla. BARA til að hitta mig! Vínbúðinn er staðsett í Firðinum ( vita allir hvað það er ).

...

2006-04-04T20:47:00.000Z

Click!

Umferðarreportið

2006-03-30T10:27:00.000Z

Tekið af mbl.is: Ungur maður um tvítugt á Camaro-bifreið var stöðvaður á Vesturlandsvegi á leið til Mosfellsbæjar á 194 km hraða. Engin sérstök ástæða var fyrir ofsaakstrinum.

Spurning um að fá sér bara Yaris þegar hann fær prófið aftur.

Smá getraun

2006-03-29T20:37:00.000Z

Hver getur sagt mér hvaða top-of-the-line fyrirtæki heldur upp á 30 ára afmæli sitt á laugardaginn?

Margt fyndið

2006-03-28T13:11:00.000Z

Það er rosalega margt sem mér finnst fyndið. Dæmi um það er eitt sem ég nefni oft: skítasnjóstormur á norðurlandi á meðan hér er sól! Common, ég sé ekki einu sinni út um vefmyndavélina! Annað var eilítið fyndið en það er þegar Svenni varð bensínlaus á miðri beygjuakrein á mótum Smiðjuvegs og hvað gatan heitir sem liggur upp í Breiðholt. En einmitt í þessu tilviki komst í ljós hver er vinur hvers. Ég myndi allavega ekki kalla það vini mína sem láta mig bíða í klukkutíma í köldum bensínlausum bíl á miðjum gatnamótum á meðan ég væri eitthvað að rúnta. Svo Sveinn hringdi í mig og það tók mig 4 1/2 mínútu að tussast á Yaris úr Hafnarfirði. Það hvein í druslunni! En ég hjálpaði honum að ýta bílnum út í kant og svo skutluðumst við eftir bensíni. Þegar bensínið var komið á bílinn tók við annað vandamál: Svenni hafði beðið svo lengi að hazzardinn var búinn með rafmagnið á bílnum. Svo við ýttum honum lengra út í kantinn og frestuðum björgunaraðgerðum þar sem Svenni var orðinn veikur á volkinu.

Hjemme kommen

2006-03-26T06:21:00.000Z

Kominn heim af djamminu og í þetta skiptið man ég allt. Ég og Haffi vorum að skríða inn. Bara kósý fyrir framan vídeo eða eitthvað sniðugt þangað til við erum tilbúnir að fara að sofa. Annars var kvöldið GEGGJAÐ! Gus gus voru ekkert minna en geðveikir þótt þeir hafi bara spilað í tvo tíma. Diskaþeytararnir voru líka fyrsta flokks. Það er langt síðan maður hefur dansað svona rosalega og skemmt sér svona unaðslega. Versta er að þetta voru síðustu tónleikar Gus Gus í sex mánuði því Urður er ólétt ( til hamingju! ). Jæja, ég má ekki vera að þessu, tsjááááá...

90?!

2006-03-22T18:47:00.000Z

Gaurinn sem flaug á Kringlumýrabrautinni var í fréttunum áðan. Hann sagðist hafa verið á 90 kílómetra hraða en ég vill með fullri virðingu fyrir öllum efast um það. Við erum að tala um risastóran, þungan og kraftmikinn Benz. Sjónarvottar sögðust hafa séð bílinn takast á loft á við þotu. Benz tekst ekki á loft á 90, hann er hannaður fyrir mun meira. Fyrir utan að ég hef aldrei setið um borð í þotu sem fer á loft á 90 kílómetra hraða. Já og gaur: BELTI!

Smá pæling

2006-03-21T09:35:00.000Z

Getur Elfar Logi ekki unnið með öðru fólki eða finnst honum bara svona gaman að vera einn á sviði. Einleikir virðast vera hans ær og kýr. Spekúlerum aðeins í einu á helfleygum nótum í smá stund. Eru hlutir yfir höfuð dýrir á Íslandi? Það muna allir eftir leigubílaferðunum á Spáni; þvert yfir bæinn fyrir sex evrur. Ísland: miðbær Reykjavíkur til Kópavogs 1750 krónur! Frá miðbænum og heim til mín: 3500 krónur! Gott og vel, setjum 3500 krónur í aðeins víðara samhengi. Ef ég kaupi bensín fyrir þennan pening get ég keyrt um í rúmlega viku. Allt í lagi, stórt í þeim samanburði. En hvað færðu fyrir 3500 krónur annars? Hvað kostar til dæmis að panta sér eitt stykkir flatböku? Fyrir utan að fyrirtækin eru farin að svíkja á okkur og minnka máltíðirnar á meðan þeir rukka meira. Fyrir 3500 kall færðu 15" (já 15 tommu) pitsu, brauðstangir og gos. EF þú sækir! Matvælafyrirtæki eru best í þessum fyrirslætti og blekkingarleik sem virðist einkenna íslenskt fyrirtæki. Fólk er ginkeypt með afsláttum og gylliboðum. Við erum látin halda að ef við verslum þarna eða fyrir svona mikið munum við í alvöru spara. Hvað haldið þið til dæmis að það kosti Dominos að „framleiða" eina pitsu? Haldið þið að þá muni eitthvað um að splæsa annara „sömu stærðar" með ef þú kaupir þetta og þetta með? Alls ekki! Hvað leggja fataverslanir á fötin sem þau eru að selja? Allavega það mikið að þau geta haldið 50% útsölu en samt komið út í gróða. Ef við snúum okkur að stærri hlutum. Bílar til dæmis. Tökum nýja Aygoinn sem dæmi sem kostar 1.3 millur eða svo. Hvað kostar þessi bíll úti í Bretlandi? Rétt undir milljón kall. Hljómar ekki mikið en fyrir hvað erum við að borga 300 þúsund? Er það sérstakur út-í-rassgati skattur? Hverjum er þetta allt saman að þakka? Jú ríkið og verslunareigendur hjálpast að við að taka okkur ósmurt þarna. Ofurskattar eru eitthvað sem við þurfum að sætta okkur við svo feitu ógeðin á Alþingi geta farið til Tælands með Olíufélags-mönnum sínum. Comments?

Ýmislegt til umræðu

2006-03-21T08:27:00.000Z

Fyrst er röfl: við félagarnir lentum í smá útistöðum við hóp af hálfvitum um helgina. Hvar? Jú fyrir utan Gaukinn. Allavega var the Haffmeister sleginn niður óvænt með vinstrikrók og lá óvígur eftir. Þegar lögreglan sá sér svo loksins fært að mæta á svæðið sagði hún lítið annað en: „hættiði þessu strákar, haldiði bara áfram að djamma" á meðan árásarmaðurinn labbaði í rólegheitum í burtu. Skítkast dagsins fær samt Síminn. Þar er fyrirtæki sem sannar það sem ég hef alltaf sagt: einkaframtak = minni þjónusta. Núna er Síminn orðinn að einkafyrirtæki og þá er um leið farið að spara. Sem þýðir að þegar við fengum okkur nýjan ADSL beini sem virkaði að sjálfsögðu ekki tók það fjóra daga bara að fá að vita hvað var að. Þegar maður gafst upp á að vera „númer 16 í röðinni" í ,,þjónustu"símanum fór maður í símabúðina. Þar fékk maður að bíða í hálftíma á meðan liðið var að leika sér í kapli og hommast. En nóg komið af því. Helgin átti að vera róleg og var það alveg að laugardagskvöldi eftir Spaugstofuna. Þá kom hin gullna setning: „Eigum við ekki bara að slá þessu upp í kæruleysi?" Þannig að það var drukkið. Eða meira DRUKKIÐ þar sem flestir eru komnir með bar-aldur. Til að gera langa sögu stutta þá var þetta Akureyri um árið; aftur! Ég hef bara ekki glóru um hvernig kvöldið endaði, eða hvernig ég komst úr bænum en ég veit að ég vaknaði við mömmu hans Svenna er hún bauð mér sneið af Betty og mjólk, sem ég þáði með þökkum. Áfengismagnið var svo rosalegt að þynnkan kom ekki fyrr en það rann af mér, á sunnudagskvöld, í matarboði, með allri fjölskyldunni.

Minnið

2006-03-16T10:20:00.000Z

Ég hef oft rekist á að minnið mitt er ekki upp á fulle femm. Þetta sannaðist í dag í sálfræði þegar við tókum nokkur próf til að reyna á skammtíma- og langtímaminnið. Til að gera langa sögu stutta féll ég á öllum prufum. Skammtímaminnisprófið var einfalt: sjö tölur skrifaðar á blað, ég fékk að skoða þær í nokkrar sekúndur og þurfti svo að þylja hana upp nokkrum sekúndum síðar. Niðurstaða: tvær tölur réttar. Svo var reynt á langtímaminnið. Það er ekki flóknara en að spyrja um nokkra viðburði í lífinu. Niðurstaða: Ég man ekki hvernig ég lærði að reima skó, ég man ekki hvor meginn dyrahnúinn var á gamla heimilinu mínu, ég man ekki hvernig ég lærði að hjóla og ég man alls ekki hvað var í matinn á mánudagskvöld! Sumsé: Fall! Fyrst var þetta fyndið, svo pirrandi og núna er ég einfaldlega farinn að hafa áhyggjur!

„Þriðjudagur, hvað ertu að gera..."

2006-03-14T09:31:00.000Z

Það er kominn þriðjudagur. 14. mars til að vera nákvæmur. Sveinn hvarvarann heldur upp á annan tug ævi sinnar í dag og verður í tilefni þess boðið upp á dísu og með því í kaffinu í dag. Ferfalt húrra! Til að halda þessu aðeins á Sveins-nótunum þá var hann að versla sér bíl. Svona eat-your-heart-out-I-have-a-cool-car bíl. Rennireiðin ber nafnið Mercedes Benz E300. Er jafngömul bróðir mínum en hefur það umfram hann að hafa rafmagnsdrifinn sæti, topplúgu og þriggja lítra killer vél! Að ógleymdu afturhjóladrifi. Það tók Sveininn að sjálfsögðu ekki nema einn laugardagsrúnt að kála bílnum en hann er víst á réttri leið á verkstæðinu. Af mér er það að frétta að ég fékk risastóra ostakörfu í gær frá ónefndu fyrirtæki sem þjófkenndi mig. Þegar ég heimtaði skriflega afsökunarbeiðni bjóst ég ekki við henni, en svona eru þeir grand á því. Við erum flutt sem þýðir að ég er kominn með herbergi, loksins! Og fyrst við erum byrjuð var öllu flaggað. Herbergið minnir meira á stofu á sjúkrahúsi en svefnherbergi örvringlaðs unglings. Svenni hefur kannski rafmagn í sætum, en ég hef rafmagn í rúmi! (plús nudd (sem er ekkert þægilegt)). Það snjóaði í borginni áföstudagskvöld, og þegar ég segi snjóaði meina ég SNJÓAÐI! Þvílíkt ástand sem að myndaðist og sé ekki talað um þegar veturinn bankaði upp á aftur á laugardagskvöld. Þetta kemur svo aftan að manni eftir þessa góssen tíð að manni finnst hálf brotið á manni. Það var einmitt á laugardagskvöld sem það sannaðist endanlega fyrir mér að reykvíkingar eru ekkert minna en hálfvitar undir stýri. Þeir sem að höfðu orðið vitni að bjánunum að reyna að troða sér á einföldum sveitavegi í snjó hefðu fussað og sveiað eins og ég. Hálfvitar! Fariði bara heim til ykkar!

Poka?

2006-03-08T14:32:00.000Z

Ég ætla aðeins að ræða um vinnuna mína fögru. Eins og eflaust margir vita vinn ég við að selja bakkus. Verkefni mitt er að dæla eitrinu ofan í sótsvartann almúgann! En ég ætla að leika mér að því að halda utan um hvað ég sel mikið yfir starfsferilinn. Talan stendur núna í 636 þúsundum. Annars hef ég ekki fengið að spyrja mikið um skilríki, tvisvar til að vera nákvæmur. Í bæði skiptin fékk ég: ,,nenniru að geyma þetta, ég gleymdi þeim úti í bíl". Síðan sást viðkomandi ekkert meir. Til að nefna fleiri kynjahluti í kringum þetta wünderbahr starf, þá ætla ég að nefna nokkur orð sem ég er kominn með ógeð á: ,,Góðan, dag, má, bjóða, þér, poka, plastpoka... ." og svo framvegis. Annars vorum við að klára að flytja í dag, ég fékk a njóta þess vafasama heiðurs að þrífa gömlu íbúðina. Þegar ég ætlaði að taka svo restina af mínu dóti úr sameignargeymslunni sá ég mér til mikils hryllings að það eina verðmæta við bílinn minn var horfið; dekkin! Eitthver sunnanpungur er búinn að stela sumardekkjunum mínum og hann má vita að hann verður ekki öruggur fyrr en ég endurheimti dekkin mín!

Haha

2006-03-08T14:13:00.000Z

Ég man ekkert hvað ég ætlaði að segja.

Skítaveður og jarðskjálfti

2006-03-06T15:56:00.000Z

Það er alltaf verið að árétta að ríkisútvarpið og sjónvarpið séu mikilvægir miðlar því þeir gegna almannavarnarhlutverki. Hinsvegar varð jarðskjálfti í dag (sem ég varð reyndar ekkert var við) og hvað gerði ríkísútvarpið? Ekkert. Útsending var ekki rofin, það var ekkert. Hvað gerir fólk þá? Jú, það stillir á NFS. Núna finnst mér þeir vera búnir að sanna sig sem fréttamiðill. Frábær viðbrögð. Nokkrum mínútum eftir skjálftann voru þeir komnir með Sigga storm í beina og fóru í gegnum alla stöðuna. Það var ekki liðinn hálftími þangað til að Veðurstofan var kominn í beina útsendingu og skjálftinn var enn á skjáunum hjá þeim þegar rætt var við vakthafandi jarðskjálftafræðing! Látum þá sem geta sinnt almannavarnarhlutverkinu í það og leggjum niður þetta dýra apparat sem við erum að borga undir og kallast ríkísútvarpið. Annars vill ég þakka fyrir gærkvöldið, mætinginn var mergjuð! Þó svo að Reykjavíkur-eðlið hafi komið upp í sumum og þeir ekki getað verið í röðinni. Svo vill ég þakka bjánanum á Hondunni (þarna kemur Hondueðlið fram) sem þurfti að brenna framhjá fréttaliðinu og gera fréttina af þessu ótrúverða.

Umferðin og slys

2006-03-01T14:44:00.000Z

Umferðaslys eru búin að vera áberandi í litla landinu okkar upp á síðkastið. Maður hefði haldið að sú staðreynd að þrjár ungar stúlkur hafa látist í umferðinni síðustu vikur myndu hægja á fólki, en svo virðist ekki vera. Því vill ég benda öllum sem búa í bænum á þetta.

I-player?!

2006-03-01T14:13:00.000Z

Ég fékk senda auglýsingu í póstinum í dag. Ég tók smá skjóskot til að deila með ykkur. Þetta er víst i-Payer. Minnir hann ykkur á eitthvað?

Breytingar

2006-02-27T14:54:00.000Z

Ef eitthver yfir höfuð gerir sér ferð á þetta blogg hefur sá hinn sami eflaust orðið var við vissa hugarfarsbreytingu. Málið er ekki flókið. Ég var ekki að horfa á leikrit sem breytti lífi mínu og afstöðu til þess. Ég var ekki að ganga í ofsatrúarsöfnuð sem gerir tilkall til þess að maður horfi á lífið með dramatískari hætti. Sannleikurinn er sá að við dettum öll oft í svona djúpar pælingar, ég er einungis að reyna að setja þær á blað. Mörgum kann að finnast þetta barnalegt, öðrum hallærislegt og flestum myndi ég trúa til að einfaldlega skrolla yfir svona pistla. Staðreyndin stendur þó eftir að ég ætla að reyna áfram að koma þankaganginum á framfæri, þó að hver einasta færsla verði ekki endilega gullmoli í safn heimspekinar. Ég nenni ekki endalaust að pæla. En ef fólk hefur álit á skrifunum má það koma sínu áliti á framfæri, til þess er gagnrýni, til uppbyggingar. Eina sem ég bið um er að fólk skrifi undir nafni, það þykir mér lágmark. En ykkar er að sjálfsögðu valið hvort þið viljið fylgja mér í smáborgarpælingum mínum.

Lífið

2006-02-27T14:35:00.000Z

Það kann að líta út fyrir að vera verkefni eilífðarinnar að pæla í lífinu sjálfu. En ég ætla að gera heiðarlega tilraun til að koma mínum þankagangi um lífið á blað (þ.e.a.s bloggi). Að hverju á maður að stefna í lífinu? Á lífið að vera eitt alsherjarverkefni að ná eitthverju fram? Skilja eitthvað eftir okkur sem komandi kynslóðir geta lifað eftir? Engann veginn. Öll viljum við lifa vel, við búum í landi þar sem fáum tækifæri til þess, við skulum nota það. En ef ég ætti að nefna eitt verkefni sem lífið ætti að snúast um, þá er það að sem flestir mæti í jarðaförina þína. Hljómar nógu einfalt en ef maður hugsar aðeins hvað fjölmenn jarðaför þýðir, þá er þetta deginum ljósara. Ef margir mæta í jarðaförina þína þýðir að margir í lífinu þóttu vænt um þig. Þú hafðir áhrif á marga og margir báru virðingu fyrir þér. Nógu mikla til að koma saman og fylgja þér til funds með forfeðrunum. Þú getur lifað lífinu eins og þú vilt. Þú getur lagt allt í sölurnar til að skapa þér gott líf, eignast góða fjölskyldu, verið í góðri vinnu og haft það gott. En ef þú manst eftir náunganum og passar að taka tillit til þeirra sem þú hittir á lífsleiðinni, er öruggt að lokatakmarkinu er náð.

Bíóferð og þoka

2006-02-27T01:24:00.000Z

Ég og Svenni fórum í bíó áðan á myndina Capote. Besta leiðin til að segja frá myndinni er að lýsa viðbrögðum áhorfenda þegar þeir gengu út. Ekki orð, alger þögn. Fólk gaf sér ekki ráðrúm til að ræða um myndina eða hvað annað vegna þess að það var að velta atburðarrásinni fyrir sér í huga sínum. Þessi mynd skildi eftir mark á mér og eflaust hjá fleirum.

Þegar við keyrðum heim var komin þoka.

Þegar hlutirnir í kringum okkur breytast viljum við breytast. Ef umhverfið tekur breytingum verðum við oft að allt öðrum manneskjum og við þessar aðstæður er oft best að sjá inn í okkar dýpstu sálarrætur. Núna liggur þoka yfir borginni og hún breytir öllu. Ótrúlegt að hugsa til þess að svo lítill hlutur eins og veðrafyrirbrigði geti breytt eitthverju. En í kvöld var hún búinn að breyta umhverfinu, og hugsunarhætti mínum. Einföldustu hlutir verða sýnilegir og vekja athygli okkar. Manni finnst þokan eins og eitthversskonar þétting sem lætur okkur líða vel, láta okkur ekki hafa áhyggjur of langt fram í tímann. Við sjáum bara það sem er næst okkur og ásýnd þess er orðinn svo mögnuð að maður vill ekki einbeita sér að nokkru öðru. Ljósastaurarnir kasta birtunni á sjáanlegan hátt á götuna, mynda nokkursskonar hjúp í kringum sig, uppljómuð hlýja þokunar. Á leiðinni heim keyrðum við framhjá Perlunni. Ljósin á henni snérust að gömlum sið en þokan hafði gert ljósið sýnilegt og breytt þessum einfalda hlut í stóra arma sem virtust vaka yfir borginni, gæta hennar. Svo er það kyrrðin. Allt er svo rólegt að á stundum finnst manni eins og enginn annar sé í heiminum. Þú stendur bara þarna einn, með þokuna sem þinn eina félaga. Ferðalagið heim verður mun stórbrotnara þegar keyrt er á svona kvöldi, hlutirnir eignast annan tilgang. Ljósin á bílun kastast áfram og sýna þér að þeim er treystandi til að leiða ferðina. Framundan sérðu ekkert nema glampann í grænt ljós á gatnamótunum framundan. Þau eru þarna til að leiðbeina þér, segja þér að óhætt sé að fara áfram og á móti vara þig við ef þú ættir að stoppa. Eins og í lífinu sjálfu sýnir breytingin á umhverfinu fram á hvað er mikilvægt, og þótt það sýnist kannski léttvægt að bera umferðarljós í þoku saman við lífið, þá segi ég að við eigum að líta stundum á lífið í þoku, frá öðru sjónarhorni.

Skilríki?

2006-02-24T14:49:00.000Z

Þessi spurning sem búið er að spyrja mig svo oft, þetta vopn sem búið er að beita í svo mörg ár. Jæja, núna er þetta vopn í mínum höndum! Nú er það ÉG sem fæ að vera leiðinlegur og henda út! Því Bragi Gunnlaugsson er farinn að vinna í Vínbúðinni!

Ég má líka!

2006-02-21T10:34:00.000Z

Mér leiðist í sálfræði en nenni ekki að rifja upp þessa rosalegu helgi. (Let's just say að ég er enn handónýtur) Þannig að ég ætla að gera svona gelgjudútl sem ég rakst á:
Hvað hefur Braginn gert?

(x) reykt sígarettu
(x) klesst bíl vinar/vinkonu - klessti aftan á Svenna einu sinni
(x) stolið bíl (foreldranna)
(x) verið ástfangin/n
(x) verið sagt upp af kærasta/kærustu
(x) verið rekin/n
(x) lent í slagsmálum - óóóójá!
( ) læðst út á nóttunni
(x) haft tilfiningar til einhvers sem endurgalt þær ekki
( ) verið handtekin/n
( ) farið á blint stefnumót
(x) logið að vini/vinkonu
(x) skrópað í skólanum - stunda það!
( ) horft á einhvern deyja
( ) farið til Canada
( ) farið til Mexico
(x) ferðast í flugvél – því miður
(x) kveikt í þér viljandi - I was young!
(x) borðað sushi
( ) farið á sjóskíði
(x) farið á skíði (sem sagt í snjó)
(x) hitt einhvern sem þú kynntist á internetinu
(x) farið á tónleika
(x) tekið verkjalyf
(x) elskar einhvern eða saknar einhvers akkurat núna
(x) legið á bakinu úti og horft á skýin
(x) búið til snjóengil
(x) haldið kaffiboð - telur bjór sem kaffi?
(x) flogið flugdreka
(x) byggt sandkastala
(x) hoppað í pollum - í engum stígvélum!
( ) farið í "tískuleik" (dress up)
( ) hoppað í laufblaðahrúgu
(x) rennt þér á sleða
(x) svindlað í leik
(x) verið einmana
(x) sofnað í vinnunni/skólanum
(x) notað falsað skilríki
(x) horft á sólarlagið
( ) fundið jarðskjálfta
(x) sofið undir berum himni
(x) verið kitluð/kitlaður - hafa það ekki allir?
(x) verið rænd/rændur - á Spáni forðum daga
(x) verið misskilin/n - ég ER misskilinn
(x) klappað hreindýri/geit/kengúru
(x) farið yfir á rauðu ljósi/virt stöðvunaskyldu að vettugi - gerði það síðast í morgun!
(x) verið rekin/n eða vísað úr skóla - vorum við ekki búin að fara í gegnum það?
(x) lent í bílslysi
(x) verið með spangir/góm - jájájájá JÁ!
(X) liðið eins og þú passaðir ekki inn í/þriðja hjól undir vagni
(x)borðað líter af ís á einu kvöldi
( ) dansað í tunglskininu
(x) fundist þú líta vel út - always!
(x) verið vitni að glæp
(x) efast um að hjartað segði þér rétt til
(x) verið gagntekin/n af post-it miðum (þið vitið - þessum gulu)
( ) leikið þér berfætt/ur í drullunni
(x) verið týnd/ur – haha, þarsíðustu helgi. Mamma hringdi út um allt!
(x) synt í sjónum
(x) fundist þú vera að deyja
(x) grátið þig í svefn
(x) farið í löggu og bófa leik
(x) litað nýlega með vaxlitum
(x) sungið í karaókí - it wasn't pretty
(x) borgað fyrir máltíð eingöngu með smápeningum
(x) gert eitthvað sem þú lofaðir sjálfri/sjálfum þér að gera ekki
(x) hringt símahrekk
(x)hlegið þannig að gosið frussaðist út um nefið á þér
(x) stungið út tungunni til að ná snjókorni
( ) dansað í rigningunni
( ) skrifað bréf til jólasveinsins
( ) verið kysst/ur undir mistilteini
( ) horft á sólarupprásina með einhverjum sem þér þykir vænt um
(x) blásið sápukúlur
(x) kveikt bál á ströndinni
(x) komið óboðin/n í partý
( ) verið beðin/n um að yfirgefa partýið sem þú komst óboðin/n í
(x) farið á rúlluskauta/línuskauta
(x) hefur einhver óska þinna ræst
( ) farið í fallhlífastökk
( ) hefur einhver haldið óvænt boð fyrir þig
(x) pissað úti

2006-02-16T10:58:00.000Z

Ég var að tengja magnara og dóterí í bílinn. En hér er smá vandamál. Milli rauðu snúrunar er vatnshelt öryggi. Frekar er strekt á snúrunni frá báðum endum og því erfitt að koma örygginu fyrir. Spurt er: hvar er best að planta því?

Fyrirlestur

2006-02-16T10:52:00.000Z

Rétt í þessu var ég að koma af fyrirlestri með dóttir Che Guevara. Eftir að hafa heyrt um ævi hans er ég staðráðinn í að sjá The Motorcycle diaries. Vissuð þið að það voru bara tólf manns sem hófu byltinguna í Kúbu í fyrstu innrásinni? En hún kom með einn góðan punkt þegar umræða tókst að hefjast um lýðræði. Lýðræði, eða democrasy, þýðir vald fólksins. En hefur fólkið vald þegar þjóðir (Ísland meðtalið) ákveða að fara í stríð? Hinsvegar þegar hún fór að tala um að unga fólkið á Kúbu væri „rétt alið upp" fyrir Kúbu framtíðar, fór maður að bakka í land með glóríuna.

Herra Hussein

2006-02-14T13:06:00.000Z

Saddam Hussein hótar að halda hungurverkfalli sínu áfram þangað til það verður skipt um dómara í máli hans. Ég segi: ekki skipta um dómara og látið vandamálið leysa sig sjálft, á ekki að drepa kallinn hvort sem er?

Fluttur á ný

2006-02-14T08:59:00.000Z

Ég get aldrei verið kyrr. En er ekki eins gott að snúa aftur til föðurhúsana, þ.e. blogspot?